Автор: Victor Shev
13 мая 2024 в 23:58
Праехаць з "веткі на ветку" праз центральную частку Брэсцкай вобласці праз Моталь і тутэйшыя лясы мне хацелася даўно. Нават трэк намаляваў некалькі год таму, праз тутэйшыя балоты, з мэтай адшукаць і наведаць размешчанае ў глыбіні балот Змяінае возера. У гэтыя вялікія выходныя нарэшце пашчасціла выдзяліць трохі часу на невялікі паход па тым мясцінам
Першы дзень пахода на Змяінае возера быў лайтовым. Старт у Броннай гары, толькі 90 кілометраў і шмат асфальта. Але заехалі ў Моталь, дзе я ніколі ня быў. Ночылі на Мульным возеры. Ну вельмі прывабнае для стаянкі і адпачынку возера
Другі дзень выйшаў трэшовым. 112 км, натаскаліся па балотах, але давялося шукаць аб'езд, каб трапіць на шукаемае Змяінае возера Страцілі шмат часу, таму апошнія 25 км ехаў вельмі хутка, нягледзячы на пясок і вецер у твар, каб паспець на дызель-цягнік.