Роварам па Палессі

Цягніком ад Пцічы да Баранавіч, а далей роварам: Івацэвічы, Целяханы, Пінск, Дубай, Давыд-Гарадок, Альшаны, Тураў, Салігорск, Слуцак, Менск. 9 дзён, 130 км цягніком і 682 - роварам. Па дарозе шукаў крыніцы, карміў сабой камароў, мыўся ў рэках, азёрах, адзін раз пашанцавала ля крыніцы знайсці ледзяную купель. Ночыў у лясах, на балотах, ля рэк. Гатаваў на вогнішчы, тэлефон зараджаў ад сонца. Вучыўся наноў давяраць людзям, хоць і раздражняла залішняя ўвага мінакоў, не падрыхтаваных убачыць на вуліцах сваіх гарадоў роварнага турыста з вялікімі саквамі.